წმინდა გიორგის ეკლესია სოფელ ჯვართმუხასთან

შლუყურის წმინდა გიორგის ეკლესია მდებარეობს ხაშურის მუნიციპალიტეტის სოფელ ხცისიდან სამხრეთ-დასავლეთით 2 კილომეტრში, ნასოფლარ შლუყურის სამხრეთით, სასაფლაოზე. ეს არქიტექტურული ძეგლი თარიღდება XIX საუკუნით.

ეკლესია დარბაზულია (11,5 X 6,5 მ), ნაგებია ქვიშაქვით, ნატეხი ქვით და ხით. რემონტის დროს ხის კამარა და ორფერდა სახურავი შეცვალეს. ეკლესიის სამხრეთ და დასავლეთ მხარეს ფართო თაღოვანი შესასვლელები აქვს. ნახევარწრიული აფსიდის ღერძზე არის ფართო თაღოვანი სარკმელი, ხოლო ჩრდილო და სამხრეთ კედლებში - ორი მსგავსი სარკმელი. კარ-სარკმელს შიგნიდან აგურისა და გარედან ქვის თაღები აქვს. აფსიდში ჩრდილოეთით პატარა თაღოვანი ნიშია. საკურთხევლის ბაქანი და ნახევარწრიული არდაბაგი ერთი საფეხურითაა ამაღლებული. აფსიდის სარკმლის ქვემოთ სატრაპეზო ქვა დგას. საკურთხევლის კედელი დარბაზის გრძივ კედლებთან ახლოსაა. საკურთხეველი ხის კანკელით იყო გამოყოფილი. გრძივ კედლებში შემორჩენილია ხის პატრონიკეს ძელების ბუდეები. პატრონიკე თაღოვანი გასასვლელით სამრეკლოს მეორე სართულს უკავშირდებოდა. ეკლესიის ინტერიერი შელესილი და თეთრია, ხოლო იატაკზე ქვიშაქვის თლილი კვადრებია გაწვდილი.

სამრეკლო (2,5 X 2,5 მ) ორსართულიანია. ორივე სართული ნახევარწრიული თაღებით არის გახსნილი, რომლებიც ეკლესიის დასავლეთ კედლის პილასტრებსა და თავისუფლად მდგომ ბოძებს ეყრდნობა. პირველი სართული ხის ბრტყელი სახურავითაა გადახურული, მსგავსია მეორე სართულისაც. სამრეკლოს თუნუქის პირამიდული სახურავი აქვს.

ეკლესიის სამხრეთ შესასვლელის წინ არის კარიბჭე, რომელიც სამ მხარეს თაღებითაა გახსნილი და კრამიტითაა გადახურებული. კარიბჭის და სამრეკლოს თაღების ქუსლებთან მაღალი რთულპროფილიანი იმპოსტებია.

ძალიერი და წყნარი გარემო...