საყდრივაკის ეკლესია და ნამონასტრალი ხრამის ხევში

საყდრივაკის ეკლესია მდებარეობს სოფელ საკირიდან 3 კილომეტრში, მდინარე ხრამიხევის მარცხენა ნაპირზე, მაღალ მთაზე. ფეხით სავალი გზა საკმაოდ დამრეცია, ხოლო სამხიდიანი მანქანით ასვლა მხოლოდ მშრალ ამინდშია შესაძლებელი. მონასტრის მთავარი ნაგებობა არის დარბაზული ეკლესია, რომელიც კომპლექსის ჩრდილოეთ ნაწილში, ყველაზე მაღალ ადგილზეა აშენებული. ეკლესია პატარა ზომის და მარტივი გეგმითაა, აღმოსავლეთით ნახევარწრიული საკურთხევლით. სამხრეთ კედელში ერთიანი შესასვლელი აქვს, რომლის კარი მაღალი და ვიწროა, არქიტრავით გადახურული. შენობაში გამოყენებული არქიტექტურული ფორმები ძალიან მარტივია, როგორც შიგნით, ისე გარედან, იგი ნაგებია სხვადასხვა ზომის და კარგად მომართული ქვის კვადრებით. ქვედა რიგებში და კუთხეებში უფრო დიდი ქვები არის გამოყენებული. ტაძარი განათებულია აღმოსავლეთისა და დასავლეთის სარკმლებით. მონასტრის ეზოში ორი ქვაა, რომელზეც ასომთავრულწარწერები არის. ეკლესია თავისი სადა ფორმებით და ასკეტური იერით ასოცირდება გრიგოლ ხანძთელის მიერ ბორჯომის ხეობაში აგებულ სამონასტრო ტაძრებთან. გარდა ისტორიული მნიშვნელობისა, ეკლესიის მნიშვნელობა იმაშია, რომ ის მშვენივრად შემონახული სამონასტრო კომპლექსის ნაწილია.