წმინდა ნინოს ეკლესია დგას მცხეთის მუნიციპალიტეტის სოფელ თეძამის ცენტრალურ ნაწილში, სასაფლაოზე, მდინარე თეძამის მარჯვენა ნაპირზე. დარბაზი რიყის ქვითაა ნაშენი კირის დუღაბზე, ორფერდა სახურავი კი თუნუქითაა დაფარული. ტაძარი ცოტა ხნის წინ გაარემონტეს და სამუშაოებისას შემკვრელად უკვე ცემენტის ხსნარი გამოიყენეს, კედლების ქვედა დონეზე გარედან კი ადრინდელი შელესილობის კვალი ჩანს.
კარი სამხრეთის ფასადშია გაჭრილი, დასავლეთისა და ჩრდილოეთის კედლები ყრუა, აღმოსავლეთის ფასადზე ერთი თაღოვანი სარკმელია. კედლები შეთეთრებულია, იატაკი ქვის ფილებითაა დაგებული. სამხრეთის, დასავლეთისა და ჩრდილოეთის კედლების გასწვრივ მცირე თაღები მიუყვება საკურთხევლის იატაკის დონეზე.
საკურთხეველი დანარჩენ სივრცეზე საფეხურითაა აწეული, მისი მხრები იმპოსტებით სრულდება, საიდანაც თაღსა და კონქზე გადასვლა იწყება. დარბაზი კამარითაა გადახურული. საკურთხეველში, სარკმლის გვერდებზე, დიდი თაღოვანი ნიშებია მოწყობილი, სარკმლის ქვეშ კი ტრაპეზი დგას, რომლის ერთ მხარესაც ჯვარია ამოკვეთილი.
💡 რჩევა
- ორფერდა სახურავი თუნუქის კრამიტით
- ჯვარი ამოკვეთილი ტრაპეზის გვერდით მხარეს
- დგას სასოფლო სასაფლაოზე მდინარე თეძამთან
🚗 როგორ მივიდეთ
- სოფ. თეძამი, მცხეთის მუნიციპალიტეტი, მცხეთა-მთიანეთი
- ადგილამდე მიგიყვანთ ღილაკი „მარშრუტის აგება“
✍️ იცნობთ ამ ადგილს? დატოვეთ მიმოხილვა Madloba-ზე, ასე მას სხვა მოგზაურები უფრო მალე იპოვიან.
