ზემო ალვანის წმინდა გიორგის ეკლესია - თუშური სოფლის ტაძარი

ზემო ალვანის წმინდა გიორგის ეკლესია მდებარეობს სოფლის ჩრდილოეთ ნაწილში, დაახლოებით ერთი კილომეტრის დაშორებით. ახლოს არის სასაფლაო. ეკლესია აგებულია XIX საუკუნის მეორე ნახევარში ძმები გიგაურების მიერ. მისი ზომები 10,5 X 5,4 მ-ია, ნაგებია რიყის ქვით. შესასვლელები და სარკმლები ნახევარწრიული თაღითაა გაფორმებული, ხოლო კამარა და კონქი - კვადრატული აგურით. შენობა შიგნიდან და გარედან თეთრად არის შეღებილი, ხოლო იატაკზე აგური გადააწვდილი. ეკლესიაში შესასვლელები სამხრეთ და დასავლეთ მხრიდანაა. ორივე კარი ნახევარწრიული თაღებით არის გადახურული. აღმოსავლეთ მხარეს, ნახევარწრიული აბსიდის ღერძზე, არის თაღოვანი სარკმელი, რომლის ორივე მხარეს ისრული თაღით გადახურული ნიშებია. ჩრდილოეთ ნიშის დონეზე სამსაფეხურიანი თაროა მოწყობილი. საკურთხევლის ბაქანი დარბაზის იატაკზე ერთი საფეხურით მაღლაა და ნახევარწრიული ამბიონი წინიდან ეკვრის. საკურთხევლის ცენტრში კუბური ფორმის ტრაპეზია. საკურთხევლი გადახურულია ტლანქად ნაწყობი კონქით, რომელიც ნახევარწრიული თაღით იმპოსტებს ეყრდნობა. დარბაზის სამხრეთ, დასავლეთ და ჩრდილოეთ კედლებში თითო თაღოვანი სარკმელია. ეკლესიის კამარას დეფორმირებული ნახევარწრის ფორმა აქვს და ორ საბჯენ თაღს ეყრდნობა. დასავლეთ შესასვლელი ოდნავ შეღრმავებული სწორკუთხა არეშია ჩასმული, ხოლო კარის თავზე ქვიშაქვის კვადრატული ფილა არის, მხედრული სამშენებლო წარწერით. ფრონტონის არეში აგურის წყობის შეღრმავებით, გამოყვანილია საფეხუროვან პოსტამენტზე დადგმული და წითლად შეღებილი დაბალი ჯვარი. აღმოსავლეთ ფასადზე კი უფრო მაღალი ჯვარია სარკმლის ზემოთ. ეკლესიას აგურის ორსაფეხურიანი ლავგარდანი აქვს და გადახურულია კრამიტით. დასავლეთ კედელზე დარბაზის ოთხ კვადრატულ ბოძზე დაყრდნობილი სამრეკლოა, რომელიც ნახევარწრიული თაღებითაა გახსნილი და თუნუქის პირამიდული სახურავით დასრულებულია.

ძეგლი მდებარეობს სოფლის ჩრდილოეთ ნაწილში, დაახლოებით 1 კილომეტრში სასაფლაოს სიახლოვეს. ის აგებულია XIX საუკუნის მეორე ნახევარში, აქვს დარბაზული ფორმა და ნაგებია რიყის ქვით, გარდა ამისა, გამოყენებულია აგურიც. შესასვლელები აქვს სამხრეთ და დასავლეთ მხარეს. დასავლეთ კედელზე აშენებულია სამრეკლო.