ღვთისმშობლის ეკლესია სოფელ კისისხევში

ულამაზესი ეკლესია შუაში კისისხევში.

ეკლესიას დარბაზული ფორმა აქვს. ნაგებია რიყის ქვისა და აგურის კომბინაციით. ზოგიერთ ადგილას კარ-სარკმლების ღიოებები კვადრატული აგურით არის გამოყვანილი. ინტერიერი შელესილია და გათეთრებულია.

შენობას სამი შესასვლელი აქვს: სამხრეთით, დასავლეთით და ჩრდილოეთით. ყველა შესასვლელი თაღოვანია და გარედან საფეხურით შეღრმავებულ ადგილას არის ჩასმული, შიგნიდან კი მაღალი, შეისრულთაღოვანი შეღრმავებით. ჩრდილოეთით შესასვლელი ნახევრად არის ამოშენებული.

კისისხევის ყველაწმინდის (ღვთისმშობლის) ეკლესია VI-VII საუკუნეებით თარიღდება. ის გუმბათიანი და ტეტრაკონქის ტიპისაა, ნაგებია რიყის ქვით და კირის დუღაბის სქელ ფენაზე. ეკლესია დეკორირებულია თაღებითა და ლავგარდანით, რომლებიც შირიმის, ნათალი ქვისგან არის გაკეთებული. შიგნით კედლები შელესილია და შეთეთრებულია. მოგვიანებით, გუმბათის ყელი აუმაღლებულა და მოყვითალო ფერის შირიმის, ნათალი ფილებით მოუპირკეთებიათ. ეკლესიის დარბაზის კედლებზე შემონახულია დაზიანებული „ხალხური“ მხატვრობის ფრაგმენტები. ეკლესიას სამხრეთიდან ეკვრის უფრო დიდი, თუმცა დაბალი დარბაზული ეკლესია, რომელიც XVI საუკუნეში წმინდა მიქაელ მთავარამგელოზის სახელზე აუგიათ და ქობულაშვილების საძვალეა. 2006-2007 წლებში ეკლესიას ჩაუტარდა სარეაბილიტაციო სამუშაოები, რაც დაფინანსებული იყო საქართველოს ისტორიულ ძეგლთა დაცვის და გადარჩენის ფონდის მიერ.