გავხადოთ თბილისი უფრო სუფთა!
თბილისის მერია, ევროპის რეკონსტრუქციისა და განვითარების ბანკთან ერთად, ბოლო წლების განმავლობაში დედაქალაქისთვის ნარჩენების მართვის სტრატეგიას ამუშავებდა.
პროგრამა მოიცავს ნარჩენების ცალკე შეგროვების საკითხებს, ასევე მათი გადამუშავებისა და ნაგავსაყრელებზე ელექტროენერგიის გამომუშავების გზებს. თბილისის ვიცე მერის ანდრია ბასილაიას განცხადებით, 2-3 წელიწადში დედაქალაქი მთლიანად გადავა მუნიციპალური ნარჩენების დახარისხებაზე. თუმცა, ჯერ მთელი რიგი პრობლემები უნდა მოგვარდეს. ეს არის ახალი გაზის კოლექტორის მშენებლობა, რადგან არსებული ავარიულ მდგომარეობაშია. ნარჩენების ცალ-ცალკე შეგროვებისთვის ასევე იგეგმება დახარისხების ხაზების მშენებლობა, ურნების რაოდენობა კი საკმარისია და არ არის საჭირო მათი დამატებითი მშენებლობა.
ამ სტრატეგიის პრეზენტაციას შპს „თბილსერვის ჯგუფის“ დირექტორი დავით ფაჩულია, ასევე პროექტში მონაწილე სხვადასხვა სამინისტროებისა და არასამთავრობო ორგანიზაციების წარმომადგენლები ესწრებოდნენ.
1 комментарий
შედით კომენტარის დასატოვებლად