კაზრეთის სამება - მართლმადიდებლური ტაძარი მეშახტეთა დაბაში

The church is beautifully decorated.

The renovated area and the new church feature stunning frescoes.

სულის სიმშვიდე.

❤❤❤

კაზრეთის სამება მე-13 საუკუნეში, საქართველოს მეფის ლაშა- გიორგის დროს აშენდა. მე-17 საუკუნეში, მღვდელმთავარი ნიკოლოზ ბოლნელის მიერ ტაძარი აღდგენილ და რესტავრირებულ იქნა. შემდგომში, 90-იან წლებში კიდევ ერთხელ მოხდა რესტავრაცია, ხოლო ტაძრის შიდა მოხატვა 2019 წელს დასრულდა. ტაძრის წინამძღვარია მამა ლაზარე რეხვიაშვილი. ტაძარი ბოლნისის რაიონში, დაბა კაზრეთში, ოქროს საბადოს ახლოს მდებარეობს. ეზოში შემორჩენილია ძველი სამონასტრო კომპლექსის ნანგრევები.

კაზრეთის სამების ეკლესია მდებარეობს ქვემო ქართლში, ბოლნისის რაიონში, კაზრეთის აღმოსავლეთით, მადნეულის ახლოს. ეკლესია გეგმით სწორკუთხედის ფორმის დარბაზულია, რომლის სხვადასხვა დროის მინაშენები ჩრდილო–აღმოსავლეთ და სამხრეთ–დასავლეთ ნაწილშია. ნაგებია კარგად გათლილი მოყვითალო კვადრებით, ქვედა რიგში კი ბაცი მომწვანო წყობაა, რაც ფასადებს ცოცხალ სახეს სძენს. ფასადებზე მდიდრული დეკორი ისეთი ელემენტებითაა წარმოდგენილი, როგორიცაა სარკმლების მოჩარჩოება, მოჩუქურთმებული კარნიზი და საფასადე ჯვარი. ეკლესია აღმოსავლეთით ნახევარწრიული ღრმა აფსიდით სრულდება და აქვს ორი შესასვლელი ჩრდილოეთ და დასავლეთ მხარეს, მთავარი შესასვლელი ჩრდილოეთითაა. აღმოსავლეთის ნაწილი უნიკალურად არის მოწყობილი, სადაც აფსიდის კედელში ერთი გვერდითი სადგომია ჩრდილოეთ მხარეს, ხოლო სამხრეთ მხარეს ცრუ კამარაა. ინტერიერი თავდაპირველი სახით არ არსებობს, რადგან კამარა და სამხრეთის კედელი დაზიანებულია. დასავლეთის კედელი დამატებითი კედლით გამაგრებულია. ტაძარი მოხატული ყოფილა, საკურთხეველში კი ეკლესიის მამათა და მოციქულების ფიგურები შემორჩენილია. ასევე ფრაგმენტულად ჩანს ქრისტოლოგიური ციკლი და სხვადასხვა წმინდანები. ამჟამად ეკლესია რესტავრირებულია და შიგნით მოხატვის პროცესია.

"მოდით მოინახულეთ კაზრეთის უდზველესი სამების ტაძარი"