DRINK, DANCE, REPEAT. ეს სლოგანი ზუსტად გამოხატავს ამ ადგილს!
Sakhelosno BAR თბილისის ერთ-ერთი ყველაზე ძველი და ისტორიული ღამის კლუბია. აქ მოსვლას გეგმა და მომზადება არ სჭირდება: მოდიხარ ისე, როგორც ხარ, არანაირი დრესკოდი, გაივლი ფეისკონტროლს და აღმოჩნდები ენერგიულ და ხალხმრავალ ადგილას.
ქვედა სართულზე დიდი ბარი, სცენა და დენსფლორი დაგხვდება. როცა შესვენება მოგინდება, ზედა სართულზე ახვალ, სადაც პატარა ბარი და მოსაწევი chill სივრცეა, ან გარეთ გახვალ და მდინარის პირას ჰაერზე ამოისუნთქებ. ბარმენები მხიარულები და ენერგიულები არიან, კოქტეილებსაც გემრიელს აკეთებენ, სასმელს კი ისეთ ფასად აიღებ, რომ მთელი ღამის განმავლობაში ჯიბეზე ფიქრი არ მოგიწევს.
და რაც მთავარია — აქ მარტო არასდროს დარჩები: გარშემო ის ხალხია, რომელთან ურთიერთობაც საკმაოდ მარტივია — მათთან ურთიერთობა და ერთად ცეკვა ბუნებრივად გამოდის. ეს ადგილი უყვართ ადგილობრივებსაც და ტურისტებსაც. შესვლა უფასოა; კვირაში ერთხელ კი ტარდება ივენთები მოწვეულ ჰედლაინერებთან ერთად, სადაც შესვლა 30₾ ღირს (12-მდე შესვლა აქაც უფასოა) და შედის 1 კოქტეილი საჩუქრად.
