ქვახვრელის ეკლესია - კლდეში ნაკვეთი კომპლექსის ტაძარი

ქვახვრელის კლდეში ნაკვეთი კომპლექსი მოიცავს კლდის შიგნით განლაგებულ ეკლესიას, კორიდორებს, სადგომებსა და სამრეკლოს, რომელიც გამოქვაბულის შესასვლელშია განთავსებული. ისტორიული წყაროების მიხედვით, ძველ დროში ეს ძეგლი იყო სასოფლო-სამეურნეო გარეუბანი, რომელიც უფლისციხის თემს ეკუთვნოდა. არსებობს მოსაზრება, რომ ქვახვრელის კლდეში ნაკვეთი კომპლექსი იყო დაკავშირებული უფლისციხის კლდეში ნაკვეთ ქალაქთან საიდუმლო გვირაბით, რომელიც მტკვრის ქვეშ გადიოდა.

Awesome!

შიდა ქართლი, რომელსაც ბევრი კულტურული ძეგლი აქვს, განსაკუთრებით გამოირჩევა ქვახვრელის გამოქვაბულთა კომპლექსით, სადაც კლდის სიღრმეში არის ეკლესია და გვირაბი. ქვახვრელის გამოქვაბული მდებარეობს სოფელ ქვახვრელში, მტკვრის მარჯვენა ნაპირზე, უფლისციხის პირისპირ. გადმოცემის მიხედვით, კლდეში ნაკვეთი ეკლესია უკავშირდებოდა უფლისციხის კედელში ნაკვეთ ციხე-ქალაქს საიდუმლო გვირაბით, რაც 7-ე საუკუნით თარიღდება. ისტორიულ წყაროებში პირველად 975 წელს შეიმჩნევა. ქვახვრელში გადაუცია უფლისციხის გასაღები დავით კურაპალატისთვის. 70-იანი წლების დასაწყისში გამოქვაბულში აღმოაჩინეს განძი ვერცხლის მონეტებით, რომლებიც სავარაუდოდ ბაგრატ მესამის დროს არის მოჭრილი. მონეტებზე ასომთავრულ წარწერასთან ერთად არის მონიშნული: „ქრისტე ადიდე ბაგრატ აფხაზთა მეფე“.

ქვიშაქვის ფრიალო კლდეში არის კომლექსი, რომელიც მოიცავს სამრეკლოს, კორიდორებს, ეკლესიას და დაბალ, ერდოიან სადგომებს. სამრეკლო მოგვიანებით არის მიშენებული გამოქვაბულის კომპლექსზე. ეკლესიას ორი სწორკუთხა კარი აქვს: ერთი ფართო კარი ჩრდილოეთ კედლის შუა ნაწილში, რომელიც დარბაზის მთავარი განათების წყაროა, ხოლო მეორე სამხრეთით მდებარეობს და კორიდორს უკავშირდება.

ძალიან მშვენიერი ადგილია.