წმინდა გიორგის ეკლესია სოფელ ავკვეთთან

ეკლესია მდებარეობს მთის ფერდზე და ტყეში, მისი ზომა არის 16,8×13,7 მ. ნაგებობა დარბაზულია და სამივე მხრიდან მინაშენები აქვს. იგი აგებულია ალგეთის ქვით, ხოლო კაპიტელებისთვის და კუთხის ქვებისთვის გამოყენებული არის შირიმი და მწვანე ტუფი. შიდა კედლები გაკეთებულია წვრილი ქვით. შენობა დაზიანებულია. ტაძარი განათებულია აღმოსავლეთის ერთი და სამხრეთის ორი თაღოვანი სარკმლით, რომლებსაც შიგნითკენ ფართოვდება. ეკლესიის ფასადების საპირე ქვები უმეტესად ამოვარდნილია, ხოლო კედლებზე ზოგიერთ ადგილას ჩანს ფხვიერი ხსნარით შესრულებული გვიანდელი შეკეთების კვალი. ტაძრის გარშემო სხვა ნაგებობათა კვალი არ ჩანს.

თუმცა ტაძარი მთლიანად ჩამოშლილია, მას მაინც ეტყობა, რომ ერთ დროს ის დიდებული ნაგებობა იყო. მისი მასშტაბი და ქვების წყობის ტექნიკა ამ ეპოქის ტაძრებიდან რეგიონში გამორჩეულია. სამწუხაროდ, ადვილი მისაგნები არ არის, რადგან შესაბამისი ნიშნები არ არსებობს.