ივანე ჯავახიშვილის სახელობის თბილისის სახელმწიფო უნივერსიტეტის არქეოლოგიის მუზეუმი

ივანე ჯავახიშვილის სახელობის თბილისის სახელმწიფო უნივერსიტეტის არქეოლოგიის მუზეუმი 2007 წელს დაარსდა. მდებარეობს მისამართზე: თბილისი, ი.ჭავჭავაძის გამზირი 1 (1 კორპუსი, მე-3 სართული). მუზეუმი უნივერსიტეტის ნაწილია და სპეციალიზირებულია ისტორიულ ექსპონატებზე. ამ მუზეუმის კოლექცია მოიცავს პერიოდს ქვის ხანიდან გვიან შუა საუკუნეებამდე. მასში წარმოდგენილია ღირებული არტეფაქტები, რომლებსაც დიდი მნიშვნელობა აქვს არა მხოლოდ საქართველოს ისტორიისთვის, არამედ მთლიანად კავკასიისა და მცირე აზიის უძველესი ისტორიის ასახსნელად. ღიაა ყოველდღე, შაბათისა და კვირის გარდა, 11:00-დან 16:00 საათამდე. შესვლა უფასოა 6 წლამდე ბავშვებისთვის, საქართველოსა და უცხოეთის მუზეუმების თანამშრომლებისთვის, ICOM-ის წევრებისთვის (ბარათით და პირადობის მოწმობით), შეზღუდული შესაძლებლობის მქონე პირებისთვის (დოკუმენტის წარდგენით) და ლტოლვილებისთვის.