საზოგადოებრივი ორგანიზაცია "საქართველოს დაუნის სინდრომის მქონეთა ასოციაცია"

საზოგადოებრივი ორგანიზაცია საქართველოს დაუნის სინდრომის მქონე პირთა ასოციაცია დაარსდა 2017 წლის 16 იანვარს თბილისში, მშობლების ლიდერებისა და დაუნის სინდრომის მქონე ზრდასრული ადამიანის მიერ.

ასოციაციის ხედვა არის დაუნის სინდრომის მქონე ადამიანებს ღირსეული ცხოვრება თანაბარ გარემოში, სადაც მათი შესაძლებლობები აღიარებული და რეალიზებული იქნება.

ასოციაციის მისიაა დაუნის სინდრომის მქონე ადამიანებისთვის თანაბარ უფლებებზე დაფუძნებული გარემოს შექმნა. ასოციაცია მუდმივად იბრძვის დაუნის სინდრომის მქონე ადამიანების საზოგადოებრივ ცხოვრებაში სრულ ჩართვასა და მონაწილეობაზე, მათი ოჯახების გაძლიერებაზე, მათ საჭიროებებზე მორგებული სერვისების მიწოდებისთვის, დამოუკიდებელი ცხოვრების ხელშეწყობისა და საზოგადოების ცნობიერების ამაღლებისთვის.

საქართველოს დაუნის სინდრომის მქონე პირთა ასოციაცია აღიარებს საერთაშორისო ორგანიზაციების მიერ დამკვიდრებულ თანასწორობისა და ადამიანის უფლებების პრინციპებს და პატივს სცემს თითოეული ადამიანის ინდივიდუალობას და უნიკალურობას.

დაუნის სინდრომის მქონე ადამიანებს და მათ ოჯახებს შეუძლიათ დაუკავშირდნენ ასოციაციას, რათა მიიღონ მხარდაჭერა, ინფორმაცია და დახმარება სოციალურ ინტეგრაციაში. ასოციაცია ასევე მიესალმება დაინტერესებულ პარტნიორებს, მოხალისეებს და ყველას, ვისაც სურს დაეხმაროს თავისი მისიის მიღწევაში.